Өлгөндүгүн мамлекеттик каттоо

Мамлекеттик кызмат көрсөтүүнү алуу үчүн

• Арыз менен КТБ же КР СӨМгө караштуу Калкты каттоо департаментинин региондор аралык бөлүмдөрүнө
• Онлайн Электрондук кызмат көрсөтүүлөрдүн мамлекеттик порталы аркылуу  кайрылуу

Керектүү документтер:

• ыйгарым укуктуу саламаттык сактоо органы тарабынан берилген белгиленген үлгүдөгү өлгөндүгү тууралуу маалым кат;
• өлгөн адамдын ким экендигин күбөлөндүрүүчү документ (паспорту, аскердик билети), болсо;
• медициналык маалым кат жок болгон учурда өлүм фактысын аныктоо же адамды өлдү деп жарыялоо жөнүндө соттун мыйзамдуу күчүнө кирген чечими;
• арыз ээсинин паспорту.

Кыргыз Республикасынын жарандары Кыргыз Республикасынын чегинен тышкары өлгөн учурда, өлгөндүгүн мамлекеттик каттоо жарандык абалдын актыларын жазуу органынын бөлүмдөрү тарабынан төмөнкүлөрдүн негизинде жүргүзүлөт:

• чет мамлекеттин ыйгарым укуктуу органы тарабынан берилген, белгиленген тартипте легалдаштырылган же апостилирленген, мамлекеттик же расмий тилге которулган өлгөндүгү тууралуу маалым кат;
• өлгөн адамдын ким экендигин күбөлөндүрүүчү документ.

Документтерди санариптик форматта “Түндүк” тиркемесинде берүүгө болот.

Өлүмдүгүн каттоого арызды Электрондук кызмат көрсөтүүлөрдүн мамлекеттик порталы аркылуу  тариздөө үчүн:

• Электрондук кызмат көрсөтүүлөрдүн мамлекеттик порталына кирүү
• Билдирүү түрүн тандаңыз
• Кайрылган учурда арыз ээсинин иштеген жерин, кызмат ордун, иш жүзүндө жашаган дарегин көрсөтүү
• Каза болгон адамдын фамилиясын, атын жана атасынын атын көрсөтүү
• Каттоо жана каза болгондугу тууралуу күбөлүк алуу үчүн МРОну (КТБ) тандоо
• Даяр болгон өлүм күбөлүгүн жеткирүү үчүн даректи көрсөтүңүз.

Өлгөндүгүн мамлекеттик каттоо кызматы акысыз көрсөтүлөт.

Төлөм  бекитилген Прейскурантка ылайык  өлгөндүгүн каттоо күбөлүгү үчүн гана жүргүзүлөт.

Мамлекеттик кызмат көрсөтүүнү алуунун укуктук негиздери:

• КР Үй-бүлө Кодекси
• КР жарандык абалдын актылары жөнүндө Мыйзамы
• 2021-жылдын 11-мартындагы №90 Кыргыз Республикасынын Өкмөтүнүн токтому менен бекитилген “Кыргыз Республикасында жарандык абалдын актыларын мамлекеттик каттоо тартиби жөнүндө” нускама

Өлгөндүгү каттоо жөнүндө кошумча суроолор боюнча кошумча суроолор боюнча КР СӨМдүн call-борборуна 119 (чалуу КР бардык байланыш операторлорунан акысыз) номери боюнча же КР СӨМгө караштуу Калкты каттоо департаментинин Telegram каналы аркылуу кайрылсаңыз болот.