Кыргыз РеспубликасынынЭтникалык кыргыздарды Кыргыз Республикасынын жарандыгына кабыл алуу үчүн документтердин тизмеси
Этникалык кыргыздар, чет мамлекеттин жарандыгы бар же жарандыгы жок адамдар Кыргыз Республикасынын жарандыгына жөнөкөйлөштүрүлгөн тартипте Кыргыз Республикасынын аймагында жашаган мөөнөтүнүн шартын көрсөтпөстөн кабыл алынат.
Арыз чет мамлекеттин жарандыгы бар же жарандыгы жок этностук кыргыздар тарабынан Кыргыз Республикасынын КР СӨМгө караштуу Калкты тейлөө борборлоруна, Департаменттин региондор аралык бөлүмдөрүнө катталган жери боюнча жеке өзү тарабынан жүргүзүлөт.
Талап кылынуучу документтер:
- Кыргыз Республикасынын жарандыгына кабыл алуу жөнүндө арыз-анкета
- чет өлкөлүк жарандын же жарандыгы жок адамдын ким экендигин ырастаган жарактуу документ (чет өлкөлүк жарандын паспорту, жарандыгы жок адамдар үчүн жашап турууга уруксат, бекитилген тартипте качкын деп аныкталган качкындын күбөлүгү)
- берилген документтерде улуту көрсөтүлбөгөн учурда – кыргыз улутунда экендигин же ата-энесинин биринин кыргыз улутунда экендигин тастыктаган документ (кайрылмандын күбөлүгү, туулгандыгы тууралуу күбөлүк же ата-энесинин кыргыз улутунда экендигин көрсөтүлгөн паспорту)
- электрондук форматтагы фотосүрөт (фотосүрөткө тартуу ордунан жүргүзүлөт)
- Кыргыз Республикасынын аймагында соттолбогондугу тууралуу маалымкат
- Кыргыз Республикасы менен чектеш мамлекеттердин (Казакстан Республикасы, Тажикстан Республикасы, Өзбекстан Республикасы жана Кытай Эл Республикасы) жарандары үчүн – мурдагы жарандыгынан баш тартуу жөнүндө жеке арызы.
Мамлекеттик кызмат көрсөтүүлөрдү алуунун укуктук негиздери:
- Кыргыз Республикасынын “Жарандыгы жөнүндө” Мыйзамы
- “Кыргыз Республикасынын жарандык маселелерин кароонун тартиби жөнүндө” Жобосу
Жарандык тууралуу кошумча суроолор боюнча КР СӨМдүн call-борборуна 119 (чалуу КР бардык байланыш операторлорунан акысыз) номери боюнча же КР СӨМгө караштуу Калкты каттоо департаментинин Telegram каналы аркылуу кайрылсаңыз болот.
Көп берилүүчү суроолор
Кайрылман күбөлүгүнүн негизинде КР жарандыгын алса болобу?
КР жарандыгын алууда кайрылман статусун алуу шартпы?
Этникалык кыргыздар КР жарандыгын алууда канча убакыт КР аймагында жашаш керек?
Этникалык кыргыздар үчүн мамлекеттик төлөмдүн баасы канча?
Жашоого каражат булагы жана мамлекеттик же расмий тил билүүсү этникалык кыргыздардан талап кылынабы?
Этникалык кыргыздарга акыркы бир жылда Кыргыз Республикасынын аймагында үзгүлтүксүз жашоо керекпи?
КР жарандыгын калыбына келтирүү үчүн этникалык кыргыздарга кандай документтер керек?