КР СӨИТМ мамлекеттик катышуусу бар акционердик коомдордун директорлор кеңешинин жана ревизиялык комиссияларынын (ревизорлорунун) мүчөлөрүнө көрсөтүү үчүн кадрларды резервге кабыл алууга ачык сынак жарыялайт.

Кыргыз Республикасынын Санариптик өнүктүрүү жана инновациялык технологиялар министрлиги мамлекеттик катышуусу бар акционердик коомдордун директорлор кеңешинин жана ревизиялык комиссияларынын (ревизорлорунун) мүчөлөрүнө көрсөтүү үчүн кадрларды резервге кабыл алууга ачык сынак жарыялайт.
Ачык сынак Кыргыз Республикасынын Министрлер Кабинетинин 2023-жылдын 4-сентябрындагы № 445 токтому менен бекитилген Акциялардын мамлекеттик пакети (катышуу үлүшү) бар чарбакер коомдордун башкаруу органдарына мүчөлөрдү тандоо жана көрсөтүү тартиби жөнүндө жобого ылайык өткөрүлөт.

Кадрлар резервине кирүү үчүн талапкер төмөнкү талаптарга жооп бериши керек:
1) курагы 27 жаштан кем эмес;
2) квалификациялык талаптарга жооп бериши керек;
3) соттуулугунун жоктугу, анын ичинде жоюлганына карабастан.

Кыргыз Республикасынын Санариптик өнүктүрүү жана инновациялык технологиялар министрлиги акционердик функцияларын жүзөгө ашырган мамлекеттик үлүшү бар акционердик коомдордун директорлор кеңешинин мүчөлүгүнө көрсөтүү үчүн кадрлар резервине киргизүүгө талапкерлерге карата квалификациялык талаптар:
1. Кесиптик билим деңгээли:
– экономика, башкаруу, юриспруденция чөйрөсүндө же чарбакер коомдун ишинин профилине тийиштүү адистик боюнча жогорку билими;
– стратегиялык башкаруу, корпоративдик башкаруу, финансы менеджменти жаатында кошумча билим же квалификацияны жогорулатуу (эгер бар болсо).
2. Иш стажы жана тажрыйбасы:
– башкаруу органдарында жетекчи, жетекчинин орун басары (анын ичинде коммерциялык уюмдун түзүмдүк бөлүмүнүн жетекчиси, жетекчисинин орун басары) катары 5 жылдан кем эмес иш тажрыйбасы, же болбосо мамлекеттик органдардын финансы-экономикалык блогунда же чарбалык коомдордун ишмердүүлүгүнүн профилине ылайык келген мамлекеттик органдарда «С-А» категориясынан төмөн эмес кызматтарда мамлекеттик жарандык кызматта 5 жылдан кем эмес иш тажрыйбасы.
3. Мурунку иш орундарынан жана/же бизнес ассоциациялардан талапкердин ишкердик бедели жөнүндө пикири бар 2ден кем эмес сунуштама кат.

Кыргыз Республикасынын Санариптик өнүктүрүү жана инновациялык технологиялар министрлиги акционердик функцияларын жүзөгө ашырган мамлекеттик үлүшү бар акционердик коомдордун ревизиялык комиссияларынын (ревизорлорунун) мүчөлөрүнө көрсөтүү үчүн кадрлар резервине киргизүүгө талапкер болгон талапкерлерге карата квалификациялык талаптар:
1. Кесиптик билим деңгээли:
– финансы, бухгалтердик эсеп же аудит тармагындагы адистиги менен жогорку экономикалык билими;
– аудитордун квалификациялык сертификаты же САР, CIPA сертификаттары (эгер бар болсо).
2. Иш стажы жана тажрыйбасы:
– каржы, бухгалтердик эсеп, аудит менен түздөн-түз байланышкан жетекчи кызматтарда, менчик формасына карабастан, уюмдарда жана мекемелерде 5 жылдан кем эмес практикалык иш тажрыйбасы.
3. Аудит, бухгалтердик эсеп жана финансылык отчеттуулук жаатындагы кесиптик уюмдан талапкердин ишкердик кадыр-баркы жөнүндө пикир кат.

Сынакка катышуу үчүн талапкерлер төмөнкү документтерди тапшырууга милдеттүү:
1. белгиленген үлгүдөгү арыз арызды жүктөп алуу;
2. белгиленген үлгүдө толтурулган анкета анкетаны жүктөп алуу;
3. паспорттун көчүрмөсү;
4. эмгек китепчесинин акыркы иштеген жери боюнча иш берүүчү тарабынан же нотариалдык жактан күбөлөндүрүлгөн көчүрмөсү;
5. жогорку билим жөнүндө дипломдун көчүрмөсү, кошумча билим жана квалификация жөнүндө документтердин көчүрмөлөрү (эгерде бар болсо), иштеген жери боюнча персоналды башкаруу кызматы тарабынан же нотариалдык жактан күбөлөндүрүлгөн;
6. соттолбогондугу жөнүндө маалымкат, анын ичинде жоюлган соттуулугу дагы;
7. Кыргыз Республикасынын резидент эместери үчүн тиешелүү мамлекеттин компетенттүү органынын соттолбогондугу жөнүндө легалдаштырылган документи.

Документтер Кыргыз Республикасынын Санариптик өнүктүрүү жана инновациялык технологиялар министрлигинин Бишкек шаары, Ахунбаев көчөсү, 119, дарегинде, 412 кабинетинде, дүйшөмбүдөн жума күнгө чейин саат 9:00дөн 18:00гө чейин кабыл алынат.
Документтерди кабыл алуунун акыркы мөөнөтү: 2025-жылдын 16-сентябрында саат 18:00гө чейин.
Документтердин толук топтомун тапшырбаган, ошондой эле коюлган талаптарга жооп бербеген талапкерлер сынакка киргизилбейт. Кошумча маалымат алуу үчүн (0312) 56-75-15, (0551) 88-88-74 телефондору аркылуу кайрылууга болот.

Конкурстун өткөрүлүүчү жери жана убактысы жөнүндө ага киргизилген адамдарга кошумча маалымат берилет.