Архив кызматынын күнүнүн алкагында мыкты иштеген кызматкерлер Министрликтин ведомстволук сыйлыктары менен сыйланышты

Кыргыз Республикасынын Санариптик өнүктүрүү министрлигине караштуу Архив кызматында архивчилердин кесиптик майрамына арналган салтанаттуу иш-чара болуп өттү. Иш-чаранын алкагында жыл жыйынтыгы чыгарылып, кызматкерлердин жетишкендиктери белгиленди.

Кыргыз Республикасынын санариптик өнүктүрүү министри Нурия Кутнаева архивчилерди кесиптик майрамы менен куттуктап, алардын өлкөнүн тарыхый окуяларын сактоодогу маанилүү ролун баса белгиледи. Ал архивчилер тарыхтын алып жүрүүчүлөрү экендигин жана аны изилдөөгө жана сактоого кошкон салымы баа жеткис экендигин белгиледи.

Министр өз сөзүндө архивдик маалыматтарды санариптештирүү процессине өзгөчө көңүл бурду. “Архивдерди санариптештирүү – бүгүнкү күндө биз үчүн артыкчылыктуу милдеттердин бири”, – деп белгиледи Н. Кутнаева. Ал ошондой эле Архив кызматы үчүн жаңы имарат куруу жана кызматкерлердин эмгек акысын жогорулатуу пландарын айта кетти.

Иш-чаранын жүрүшүндө Архив кызматынын бир катар кызматкерлери архив тармагын өнүктүрүүгө кошкон зор салымы үчүн Санариптик өнүктүрүү министрлигинин ведомстволук сыйлыктары менен сыйланышты.

Архив кызматынын төрагасы Мария Алыбаева Санариптик өнүктүрүү министрлигине архив тармагына көрсөткөн колдоосу жана көңүл буруусу үчүн ыраазычылык билдирди.