Кыргызстан глобалдык почта тармагында өз позициясын бекемдөөдө

“Кыргыз почтасы” ААК Швейцариянын Берн шаарында өткөн Дүйнөлүк почта бирлигинин почталык эксплуатациялоо Кеңешинин жыйынтыктоочу отурумунда Кыргызстандын атынан катышуда. Дубайдагы #UPUCongress алдында почта тармагын өнүктүрүүнүн негизги маселелери, анын ичинде дүйнөлүк почта стратегиясы, бизнес-план, санариптештирүү жана туруктуу өнүгүү талкууланат.

Кыргызстан глобалдык почта тармагынын келечегин түзүүгө жигердүү катышып, эл аралык кызматташтык, логистиканы өнүктүрүү жана инновациялык технологияларды киргизүү боюнча демилгелерди илгерилетүүдө. Өлкөнүн сессияга катышуусу почта жана логистикалык кызматтардын сапатын жогорулатуу үчүн алдыңкы чечимдерди интеграциялоого умтулгандыгын баса белгилейт.