Санариптик өнүктүрүү жана инновациялык технологиялар министрлигинде кибер алдамчылыкка каршы күрөшүү боюнча биргелешкен чаралар талкууланды

Кыргыз Республикасынын Санариптик өнүктүрүү жана инновациялык технологиялар министрлигинде кибер алдамчылыкка каршы күрөшүү маселелери боюнча банк тармагынын, байланыш операторлорунун жана коммерциялык уюмдардын өкүлдөрү менен жолугушуу болуп өттү.

Жолугушууда жарандардын маалыматтарынын коопсуздугуна жана каржылык жоготууларга коркунуч туудурган фишинг жана башка алдамчылык схемаларына каршы аракеттенүүгө негизги көңүл бурулду. Катышуучулар мындай көрүнүштөрдү алдын алуу боюнча сунуштарын жана чечимдерин, анын ичинде калктын кичинекей кезинен баштап маалыматтык сабаттуулугун жогорулатуу жана киберкылмыштарга каршы аракеттенүү механизмдерин күчөтүү чараларын сунушташты.

Министрлик калкты киберкоргоонун ишенимдүү тутумун түзүүдө мамлекет менен бизнестин биргелешкен аракеттеринин маанилүүлүгүн баса белгилеп, бул багытта мындан аркы кызматташууга даяр экендигин билдирди.