ЖААК документтерин санариптештир!

КР Санариптик өнүктүрүү министрлиги жарандарга 2024-жылдын июнь айынан тарта “Түндүк” мобилдик тиркемеси жана Электрондук кызмат көрсөтүүлөрдүн мамлекеттик порталы аркылуу Кыргыз Республикасынын жарандары үчүн “Жарандык абалдын актысынын жазуусу” онлайн-кызматы ишке киргизилгенин эскертет.

Мамлекеттик кызматтарды электрондук форматка өткөрүү мамлекеттик кызматтарды көрсөтүү процессин кыйла жеңилдетет жана керектүү документтерди издөө убактысын кыскартат. Мындан тышкары, бул – мамлекеттик кызматтарды алуу жол-жоболорунун жеткиликтүүлүгү жана ачык-айкындыгы, ошондой эле коррупциялык тобокелдиктерди жокко чыгарууга мүмкүнчүлүк түзөт.

КР жарандарынын билдирмесин каттоо боюнча кадамдык нускама:
• авторизациядан өтүү;
• “Дал келбеген маалыматтар чыгып жатабы?” кызматына кирүү;
• каталог боюнча милдеттүү талааларды толтуруу;
• баланын же жубайынын документин санариптештирүү зарыл болгон учурда кошумча талааларды толтуруңуз;
• арыз ийгиликтүү толтурулган кийин, арыз ээсинин жеке кабинетине арыз кабыл алынгандыгы жана 1-күндөн 3-жумушчу күнгө чейин каралаары жөнүндө билдирүү келет;
• өтүнмө ээсинин жарандык абалын жазуу санариптештирилгенден кийин, Tunduk тиркемесинде санариптик күбөлүктөр жеткиликтүү болот;
• эгерде жарандык абалдын акт жазуусун санариптештирүү мүмкүн болбосо, арыз ээсине жарандык абалдын акт жазуусун санариптештирүүдөн баш тартуунун себебин түшүндүрүү менен билдирүү келет.

Жарандык абалдын актыларын онлайн санариптештирүү – бул Калкты тейлөө борборлоруна жана Аймактар аралык бөлүмдөргө барбастан, электрондук кызмат көрсөтүүлөргө кошулуунун уникалдуу мүмкүнчүлүгү.

Белгилей кетсек, Кыргыз Республикасынын жарандары гана онлайн режиминде каттала алышат.