Мамлекеттик кызматтар үчүн накталай эмес төлөм ыкмасын эскертебиз

Жарандарга мамлекеттик кызмат көрсөтүүлөр үчүн төлөмдөрдү кабыл алуу, накталай эмес төлөмдөрдүн үлүшүн көбөйтүү жаатында коммерциялык банктар менен маалыматтык өз ара иштешүүнү уюштуруунун ыңгайлуулугун камсыз кылуу максатында “Инфоком” Мамлекеттик мекемеси интернет-эквайринг технологиясынын жардамы менен дүйнөнүн каалаган бурчунан онлайн режиминде мамлекеттик кызмат көрсөтүүлөр үчүн төлөөгө мүмкүн болгон сайтты ишке киргизүү менен ички төлөм системасын иштеп чыкты.
Ошентип, Кыргыз Республикасынын жарандары Кыргыз Республикасынын жаранынын жалпы жарандык паспортун жана ID-картасын (шашылыш эмес) каалаган банк карталары менен, анын ичинде башка өлкөлөрдүн даярдоо кызматтары үчүн төлөй алышат. Сервисте төлөө күнү КР Улуттук банкынын курсу боюнча валютаны сомго автоматтык түрдө конвертациялоо каралган.

Төлөө үчүн арыз ээси кызмат көрсөтүү үчүн төлөм кодун жана банк картасынын реквизиттерин сайтка киргизиши керек https://payment.infocom.kg/.

Кыргыз Республикасынын аймагында накталай эмес эсептешүү боюнча төлөмдөрдүн төмөнкү түрлөрү ишке ашырылды:

1. Мобилдик банкинг – RSK24, Megapay, “О!”, “Финка”, “Элкарт”, “Халык”, “МБанк” ж. б.;
2. Интернет-эквайринг –Elcart, VISA, MasterCard, Мир ;
3. QR-код – 20дан ашык банктар жана төлөм уюмдары;
4. Интернет банкинг – «Финка», «МБанк», «Элкарт», «Халык»;
5. Төлөм терминалы – «Финка», «МБанк», Pay24 ж. б.

Мындан тышкары, “Кыргыз почтасы” ААК Кыргыз Республикасынын бардык аймагындагы бардык байланыш бөлүмдөрүндө жана Калкты тейлөө борборлорундагы системаларында QR-код аркылуу төлөмдөрдү, банктык карталар аркылуу накталай жана накталай эмес төлөмдөрдү кошо алганда, өз кардарларына төлөөнүн ар кандай ыкмаларын берүүнү улантууда. Учурда POS-терминалдары аркылуу төлөө мүмкүнчүлүгү каралып жатат.

Белгилей кетсек, КР санариптик өнүктүрүү министри Нурия Кутнаева мамлекеттик кызматтарды көрсөтүүчү бардык ведомствого караштуу бөлүмдөргө ар кандай жолдор менен: ар кандай төлөм системаларынын карталары, электрондук капчыктар жана байланыш операторлорунун тиркемелери аркылуу төлөө мүмкүндүгүн камсыз кылууну тапшырды.