Кыргызстан менен Казакстан санариптик багытта кызматташтыкты бекемдөөдө

КР Санариптик өнүктүрүү жана инновациялык технологиялар министрлигинде министрдин орун басары Сергей Слесарев менен Казакстандын КРдеги Элчиси Рапил Жошыбаев менен жолугушуу болуп өттү.

Тараптар байланыш жаатында жана чек аралаш аймактардагы радиожыштыктарды координациялоо боюнча эки тараптуу макулдашууну талкуулашты.

Ошондой эле жолугушуу учурунда Казакстандын Президенти Касым-Жомарт Токаевдин Кыргызстанга жасала турган сапары жана Ысык-Көлдөгү Жаштар форумунун күн тартибине IT-маселелерди кошуу маселелери айтылды.

Сүйлөшүүлөрдүн жыйынтыгы менен тараптар санариптик өнүктүрүү багытында кызматташтыкты тереңдетүүгө даяр экендиктерин билдиришти.