СӨМ КР караштуу Архив кызматынын мекемелери жана бөлүмдөрү тарабынан көрсөтүлүүчү мамлекеттик акы төлөнүүчү кызматтардын тарифтеринин прейскуранты

Бул “Кыргыз Республикасынын Санариптик өнүктүрүү министрлигине караштуу Архив кызматынын мекемелери жана бөлүмдөрү тарабынан көрсөтүлүүчү мамлекеттик акы төлөнүүчү кызматтардын тарифтеринин Прейскуранты” Кыргыз Республикасынын Өкмөтүнүн 2012-жылдын 10-февралындагы №85 “Мамлекеттик органдары, алардын түзүмдүк бөлүмчөлөрү жана ведомстволук мекемелери көрсөтүүчү мамлекеттик кызмат көрсөтүүлөрдүн бирдиктүү реестрин (тизмесин) бекитүү жөнүндө” токтомунун жана Кыргыз Республикасынын Эмгек жана социалдык өнүгүү министрлигинин макулдашуусунан өткөрүлүп, Кыргыз Республикасынын Санариптик өнүктүрүү министрлигинин 2022-жылдын 22-августундагы №285 буйругу менен бекитилген “Кыргыз Республикасынын мамлекеттик архивдеринде аткарылуучу иштердин негизги түрлөрүн иштеп чыгуунун жана убакыттын типтүү ченемине” ылайык, 1 адамдын 1 минутадагы эмгек наркын, ошондой эле кино, фото, фоно, документтер боюнча кызмат көрсөтүүдө сарпталуучу материалдарды, каражаттарды пайдаланган чыгымдардын наркынын эсебинин негизинде иштелип чыкты.

Прейскурантта Архив кызматынын мекемелеринин жана бөлүмдөрүнүн негизги иш эрежелери жана башка ченемдик актылардын талаптарына ылайык аткарылган иштин бардык технологиялык процесстери жана операциялары, анын ичинде негизги, даярдоочу жана көмөкчү иштеринин баалары камтылган.

Прейскурант эки бөлүктөн турат:

1-бөлүк – кагаз негизиндеги документтер менен иштөө;
2-бөлүк – аудиовизуалдык документтер менен иштөө (кино, фото, фоно, видео).

КМШ мамлекеттеринин жарандарынан келип түшкөн социалдык-укуктук мүнөздөгү суроо-талаптардын аткарылышы КМШ мамлекеттер аралык келишимдердин негизинде жана келишимди бузбоо максатында, архивдик маалымкаттар акысыз аткарылат, мүлктүк укуктарга тиешелүү документтерден тышкары.
Кыргыз Республикасынын жарандарынан кабыл алынган социалдык-укуктук жана тематикалык мүнөздөгү суроо-талаптардын аткарылышына баасы Прейскуранттын негизинде алынат.
Архив мекемелерине мамлекеттик жана муниципиалдык мекемелерден келип түшкөн тематикалык суроо-талаптар акысыз аткарылат, мүлктүк укуктарга тиешелүү документтерден тышкары.

Ал эми, төмөнкү мекеме-уюмдардан келип түшкөн суроо-талаптар акысыз аткарылат:

1. Фонд түзүүчү мекемелер (тематикалык суроо-талаптар гана);
2. Майыптар үйлөрү;
3. Кызыл крест жана Кызыл жарым ай коомдору;
4. Кыргыз Республикасынын мамлекеттик архив мекемелери жана Архив кызматынын кызматкерлери;
5. Соттордон, прокуратура органдарынан, Кыргыз Республикасынын Ички иштер министрлигинен, Кыргыз Республикасынын Мамлекеттик улуттук коопсуздук комитети, Кыргыз Республикасынын Өкмөтүнө караштуу Экономикалык кылмыштуулука каршы күрөшүү боюнча мамлекеттик кызматы (кылмыш иши козголгон учурларда белгиленген тарипте);
Кыргыз Республикасынын Президентинин Администрациясынын жана Кыргыз Республикасынын Министрлер Кабинетинин юбилейлик иш-чараларынын жылдык планына киргизилген юбилейлерге жана белгилүү даталарга арналган иш-чараларды өткөрүү үчүн архивдик документтердин көчүрмөлөрү акысыз берилет.
Эскертүү: 50 барактан ашкан документтердин көчүрмөлөрү суроо-талап ээсинин кагаз менен камсыздоо шартында аткарылат.

Төмөнкү категориядагы жарандардын социалдык-укуктук мүнөздөгү суроо талаптары акысыз тейленет:

1. Советтер Союзунун, Кыргыз Республикасынын жана Социалисттик эмгектин баатырлары;
2. “Баатыр эне”, “Эне даңкы” орденинин ээлери;
3. Улуу Ата-мекендик согуштун катышуучулары;
4. Улуу Ата-мекендик согуштун майыптары;
5. 1, 2 жана 3 группадагы майыптар жана бала кезинен ооруган майыптар;
6. Интернационалист – жоокерлер;
7. Чернобль АЭС кырсыгын жоюуга катышкандар;
8. Баткен окуясынын катышуучулары;
9. 2010-жылдагы апрель окуясынын катышуучулары;
10. Багар кишиси жок, пенсия, жөлөк пул алуучулар.

“1941-1945-жж. Улуу Ата-мекендик согуш мезгилинде күжүрмөн эмгеги үчүн” медалы менен сыйлангандыгы тууралуу маалымат акысыз берилет.
Мамлекеттик архив мекемелеринин окуу залдарындагы каталогдор, архивдин илимий-маалымдагыч аппараттары менен иштөө акысыз жүргүзүлөт.
Кагаз негизиндеги документтер боюнча тематикалык жана социалдык-укуктук багыттагы маалымат берүү, суроо-талап катталган күндөн баштап 30 күндүк мөөнөттө аткарылат.
Зарыл учурда арыз ээсинин суранычы жана макулдугу менен архивдин жетекчисинин резолюциясына ылайык суроо-талаптар тез аранын ичинде аткарылса мамлекеттик кызматтын баасынын наркы көтөрүлөт:
– 10 календардык күндүк мөөнөттөгү баасы – 50%;
– 3 жумушчу күндүк мөөнөттөгү баасы – 100% (социалдык-укуктук мүнөздөгү суроо-талаптар гана кабыл алынат).

Социалдык-укуктук жана тематикалык мүнөздөгү суроо-талаптарды аткарууда алдын ала төлөм алынбайт жана терс жооптор акысыз аткарылат.
Аудиовизуалдык документтер менен иштөөдө талапкер менен түзүлгөн келишим баа технологиялык процесстерге, операцияларга, даярдоо жана көмөкчү иштерге карата өзгөрүшү мүмкүн. Жумуштун наркына ишти аткарууга керектелүүчү каражаттарга (кассеталар, дискалар, фотопленкалар, фотокагаздар, транспорттук чыгымдар, ж.б.) кеткен чыгымдар, башка уюмдарга жана мекемелерге сарпталуучу (мисалы, көргөзмөнү жасалгалоого сүрөтчүгө, кинопленкадагы материалды бөлөк материалга көчүрүп жазууга) кеткен чыгымдар кошулат.
Юридикалык жана жеке жактар убактылуу колдонууга алган документтерди мөөнөтүндө кайтарылбаса, жоготсо, же бузса Кыргыз Республикасынын мыйзамдарына ылайык жоопко тартылат.

1 -БӨЛҮК. КАГАЗ НЕГИЗИНДЕГИ ДОКУМЕНТТЕР МЕНЕН ИШТӨӨ

2-БӨЛҮК. АУДИОВИЗУАЛДЫК ДОКУМЕНТТЕР МЕНЕН ИШТӨӨ