Кыргыз РеспубликасынынУлуттук номерлештирүү ресурсун бөлүп берүү
Улуттук номерлештирүү ресурсун бөлүп берүү боюнча мамлекеттик кызмат Кыргыз Республикасынын санариптик өнүктүрүү министрлигине караштуу Байланыш тармагында жөнгө салуу жана көзөмөлдөө кызматы тарабынан көрсөтүлөт.
Номерлештирүү ресурсун алуу үчүн Кызматка Бишкек шаары Ахунбаев көчөсү 119 (1-кабат) дареги боюнча кайрылса болот.
Мамлекеттик кызмат көрсөтүүнү алуу үчүн керектөөчү төмөнкүдөй документтерди беришет:
- номерлештирүү ресурсун бөлүп берүү жөнүндө белгиленген үлгүдөгү жазуу жүзүндөгү арыз, анда суралып жаткан диапазон кайсы лицензиянын алкагында колдонула тургандыгы көрсөтүлөт;
- арызга тиешелүү номерлөө ресурсу суралып жаткан электр байланыш тармагын куруу схемасы тиркелет, анда Кыргыз Республикасынын башка электр байланыш операторлорунун тармактары же эл аралык байланыш тармактары менен туташтыруусу көрсөтүлүшү керек.
Документтер мамлекеттик же расмий тилдерде берилет.
Мамлекеттик кызмат көрсөтүүнү алуунун укуктук негиздери:
- «Электр байланышы жөнүндө» Кыргыз Республикасынын Мыйзамы
- Кыргыз Республикасынын Өкмөтүнүн 2018-жылдын 9-январындагы № 10 «Кыргыз Республикасынын электр байланыш тармактарын номерлештирүүнүн улуттук системасын жана планын бекитүү жана номерлештирүү ресурсунун бирдиги үчүн акынын өлчөмүн белгилөө жөнүндө» токтому
- Кыргыз Республикасынын Министрлер Кабинетинин 2021-жылдын 15-ноябрындагы №257 токтому менен бекитилген Кыргыз Республикасынын Санариптик өнүктүрүү министрлигине караштуу Байланыш тармагында жөнгө салуу жана көзөмөлдөө боюнча кызматы жөнүндө жобо.
Мамлекеттик кызмат көрсөтүүнү алуучулар:
Кыргыз Республикасынын аймагында электр байланышын кызмат көрсөтүүлөрү боюнча байланыш жаатындагы ишке лицензиясы бар жеке жана юридикалык жактар.
Кызмат көрсөтүүнүн мөөнөтү арыз жана ага тиркелген документтердин пакети алынган күндөн тартып 30 календардык күндөн ашпашы керек.
Мамлекеттик кызмат акысыз көрсөтүлөт.
Кошумча суроолор боюнча 0312 54 41 07 номерине же КР СӨМгө караштуу Байланыш тармагында жөнгө салуу жана көзөмөлдөө боюнча кызматынын Telegram каналы аркылуу кайрылсаңыздар болот.
Көп берилүүу суроолор:
Улуттук номерлөө ресурстарын бөлүштүрүү боюнча мамлекеттик кызмат көрсөтүүлөрдү алуучу ким?
Бөлүп берүү үчүн мамлекеттик кызмат көрсөтүүлөрдү алуунун укуктук негиздери улуттук номер булагы?