Tunduk тиркемесинде эки жаңы кызмат ишке кирди

Кыргыз Республикасынын Санариптик өнүктүрүү министрлиги Tunduk мобилдик тиркемесиндеги жеткиликтүү кызматтардын тизмесин кеңейтүү жөнүндө маалымдайт.

Эми колдонуучулар баланын катталгандыгы (катталгандыгы) жөнүндө маалымкаттарды, ошондой эле өз балдары үчүн кыймылсыз мүлк объекттерине менчик укугунун бар/жоктугу тууралуу маалымкаттарды түздөн-түз мобилдик тиркеме аркылуу ала алышат.
Балдарды каттоо тууралуу маалымкат:
Буга чейин бул маалымкатты алуу үчүн Калкты тейлөө борборлоруна (КТБ) кайрылуу зарыл болгон. Үстүбүздөгү жылдын 25-сентябрынан тарта жарандарга Tunduk мобилдик тиркемеси аркылуу эки жолу басуу менен маалымкат тариздөө мүмкүнчүлүгү берилди. Кызматты алуу үчүн колдонуучулар “катталган жери тууралуу маалымкат” кызматын тандап, кимдин атына документ алуу зарыл экенин көрсөтүүсү керек.
Кыймылсыз мүлк объекттерине менчик укугунун барлыгы/жоктугу тууралуу жөнүндө маалымкат:
Tunduk тиркемеси аркылуу жеткиликтүү болгон экинчи жаңы кызмат-бул балдар үчүн кыймылсыз мүлк объектилерине менчик укугунун бар же жок экендиги жөнүндө маалымкат алуу. Буга чейин бул маалымкатты мамлекеттик органдар аркылуу гана алууга мүмкүн болгон. Эми колдонуучулар аны онлайн режиминде тариздей алышат. Ал үчүн “кыймылсыз мүлк объектилерине менчик укугунун бар/жоктугу жөнүндө маалымкат” кызматын тандап, документ кимдин атына таризделип жатканын баланы көрсөтүү жана MegaPay же MBANK төлөм системалары аркылуу 170 сом өлчөмүндөгү мамлекеттик алымды төлөө зарыл.
Маанилүү шарттар:
– Балдардын маалыматтары тиркемеде туулгандыгы тууралуу күбөлүк толук санариптештирилген учурда гана көрсөтүлөт.
– Эгерде бала жөнүндө маалымат тиркемеде көрсөтүлбөсө, пайдалануучулар туулгандыгы тууралуу күбөлүктү санариптештирүү үчүн “кызматтар” бөлүмүндөгү “ЖААК документтерин санариптештир” кызматын пайдалана алышат.
Бул жаңылануулар мамлекеттик кызмат көрсөтүүлөрдү алууну жөнөкөйлөтүүгө жана Кыргыз Республикасынын жарандары үчүн алардын жеткиликтүүлүгүн жогорулатууга багытталган.