Эл аралык электр байланыш союзу боюнча жумушчу топтун 49-отуруму

2024-жылдын 26-августунда Ысык-Көл облусунда Аймактык байланыш союзунун комиссиясына караштуу Эл аралык электр байланыш союзу менен иштөө боюнча Жумушчу топтун 49-отуруму башталды.

Отурумга Кыргыз Республикасынын санариптик өнүктүрүү министри Нурия Кутнаева, Жумушчу топтун төрагасы Алексей Бородин, Эл аралык электр байланыш бирлигинин Электрбайланышты Стандартташтыруу Бюросунун директору Сейдзо Оноэ, КМШ үчүн Эл аралык байланыш бирлигинин Аймактык бөлүмүнүн директору Наталья Мачо, Эл аралык байланыш бирлигинин катышуучу-өлкөлөрүнүн өкүлдөрү жана эл аралык эксперттер катышууда.

Министр Нурия Кутнаева отурумду ачып жатып, 2024-жылы Электрбайланышты стандартташтыруунун Дүйнөлүк Ассамблеясына даярдык көрүү жана Эл аралык байланыш бирлигинин эл аралык форумдарына ийгиликтүү катышуу үчүн байланыш администрацияларынын аракеттерин координациялоонун маанилүүлүгүн баса белгиледи. Ал ошондой эле укук коргоо органдарынын ишине жасалма интеллектти киргизүүнүн, анын ичинде дайынсыз жоголгон адамдарды жана балдарды издөөнүн маанилүүлүгүн белгиледи. Жасалма интеллектисинин тил саясатынын маанилүүлүгүн баса белгилеп, Министрлер Кабинети 2022-жылы суперкомпьютер сатып алуу жана кыргыз тили корпусун түзүү үчүн бөлгөн каржылык колдоону көрсөттү. Министр ошондой эле Жасалма интеллекти чөйрөсүндөгү демилгелерди киргизүүнү жөнгө салган санариптик Кодекс долбоорун илгерилетүү боюнча иштерге токтолду.

Санариптик өнүктүрүү министринин орун басары Замирбек Кожомуратов алыскы райондордогу оптоволокондук тармакты кеңейтүүгө жана 1400дөн ашык мамлекеттик социалдык мекемелерди жогорку ылдамдыктагы интернетке кошууга багытталган “D-CASA” долбоорун сунуштады, бул калктын санариптик мамлекеттик кызматтарга жеткиликтүүлүгүн жакшыртат.

Жыйындын жүрүшүндө байланыш маселелери, Жасалма интеллектин киргизүү, ошондой эле 2025-жылдын 23-24-апрелинде Бишкекте өтө турган электр байланышын өнүктүрүү боюнча дүйнөлүк конференциясы – 2025 жыйынына даярдык көрүү маселелери талкууланды.